Sa iyo na mapaghanap.

ABALA akong nagtatrabaho kahapon dito sa opisina. Masaya ako dahil nawala na nang tuluyan ang ‘paking Internet policy’ dito sa opis. Hindi naman totoong nawala, nabawasan lang. Dahil malaya na akong nakakapag-blog ulit. Ang saya-saya!
Pinag-iisipan ko ring kung anong magandang isulat. Wala kasi akong maisip na magandang storyline tungkol sa WordCamp nung Sabado at after-party naming mga bloggers sa isang videokehan sa Vito Cruz. Naubusan na talaga ako ng ideya. Hindi ko alam kung paano ko isisingit sa post yung natutunan ko kay Danny Arao. Naniniwala rin kasi ako sa mga sinabi nyang dapat yung mga bloggers sa panahon ngayon e responsable sa mga sinusulat nila. Dapat matuto rin silang sumunod ng ethics ng mga journalist. “Sila” lang kasi ayaw kong sumunod. Bwahaha! Blog ko ‘to. Hindi, joke lang. Naging journalist rin kasi ako kaya naiintindihan ko yung importansya ng pagsunod sa mga ganung alituntunin. Siguro sa ibang post ko na lang bibigyan ng pansin ‘to.

Tahimik lang akong nag-iisip kahapon ng magagandang pangarap na binubo ko sa amin ni Princess Chubby. Nagustuhan nya rin kasi yung fairy tale na ginawa ko. Eniwey, binabalak kong yayain syang makipag-date, yung date na kinuwento sa akin ni pareng Kidlat. Classic kasi tsaka mura. Iimbitahan kong sumama sa akin si Princess Chubby sa Luneta. Para maiba naman yung papasyalan namin sa mga ordinaryong mall. Magkahawak-kamay kaming maglalakad mula botanical garden hanggang dun sa may DOT. Tapos, bibisitahin din namin si Rizal. Maglalatag kami ng banig sa may damuhan habang nakangiting iisa-isang nilalapag ang mga baon naming keso, mantikilya, tasty bread, at tubig. Pagkatapos naming kumain at magkwentuhan, mag-ro-roller skate kami dun sa may pabilog (yung may rebulto ni Lapu-Lapu), magpapaikot-ikot kami dun with matching knee pads, elbow pads, at helmet. Kumpleto dapat ang safety gears tapos naka-pajama ako. Si Princess Chubby dapat naka-pekpek shorts para panis lahat ng ibang babae nandun. Ang saya talaga. Pag napagod kami, tsaka kami uuwi. hehe. Lahat yan, masaya kong iniisip habang kinakamot ko yung kili-kili ko. Sabi nila pag nangangati raw yung kili-kili, may mamamatay raw na instik? Ewan ko kung anong meron sa pagitan ng mga intsik at pagti-trip sa makating kili-kili.

Speaking of trip, hindi ko talaga alam kung ano ang trip ng mga nagpupunta dito sa blog ko. Ginulat ako kahapon nang matuklasan ko sa search engine keywords na ginagamit ng mga ‘people who found my blog’ ang katagang ‘pampalaki ng puke.’ Huwatdaef. Hindi ko talaga lubos maisip kung anong pumasok sa isip ng naghahanap na ‘to.

Sa tatlong tanong na hinain ko, hindi ko rin alam kung masasagot pa. Unang-una, kung babae sya, bakit kailangan pang palakihin ‘yun? Sabi sa akin ng mga kaibigan kong babae, inborn daw yung size ng mga ganun. Ewan ko, hindi naman ako pamilyar sa mga ganyan sa totoong buhay. Hanggang DVD porn lang naman ako nakakakita ng ganyan. At sa dalawampu’t apat na taong kong nabubuhay, wala pa akong nakitang malaking ganun. Nasa tambok at nipis lang ng pisngi ko nakita ang kaibahan. Pramis. Yung laki, sa guhit na siguro nagkakatalo. May iba kasing parang zipper lang ng maliit na tampipi at may iba namang parang binulatlat na tocino ang laman (nasa tagal siguro ng experience). Kung lalaki naman syang naghahanap ng paraan palakihin ang ganun ng asawa o gf nya, wala akong makitang kabutihang idudulot ng malaking puke. Para saan pa nga ba? Mananatiling kaisipan ang bagay na ‘to. Hindi ko na rin pag-aabalahan pang usisain.

Kung paano natunton ng naghahanap na iyon ang blog ko ay dahil na rin sa mga pinagsusulat ko. Dati, sa luma kong blog, ‘pampalaki lang ng titi’ ang i-google ng mga mapaghanap, makakapunta na sila sa blog ko. Pero ngayon, lumawak na. At wala akong ibang sisihin kundi ang sarili ko. Alam ko darating din ang panahon na i-de-delete ko ang mga salitang yun sa blog na ‘to. Siguro kapag humanay na rin ako sa linya ng mga religious bloggers tulad ni pareng Maldits. Baka dumating din yun. Mag-hari nawa ang kabutihan at kapayapaan sa blogosphere. Eymen.

Salamat sa google at yahoo.